مركز حقك للتنمية الديموقراطية ودعم حقوق الإنسان

مركز حقك للتنمية الديموقراطية ودعم حقوق الإنسان

مدير المركز أسامه عبد الحكيم المحامي


    عاشت بلادنا

    شاطر
    avatar
    Admin
    Admin

    المساهمات : 36
    تاريخ التسجيل : 07/11/2009
    العمر : 47

    عاشت بلادنا

    مُساهمة  Admin في الإثنين مارس 01, 2010 3:53 am

    عاشت بلادنا عاشت حره لأولادنا وأولاد ولاد ولآدنا لحد آخر الزمان
    مهما خانوها حكامها ودمروها هتعود بإيدنا غالية رغم كيد الأمريكان
    هتعود للإسلام تحكم بالقرآن
    تبقي بلدنا رمز القوة رغم من يعاديها د إحنا بلدنا غالية علينا بالأرواح نفديها
    ********************************
    حكومتنا ليه قرفانا من سنين ونهبانا بتاريخ عالي المكانة المكانة في الفساد والتزوير
    انتخابات قفلوها ونتايج زوروها ووعودهم يخلفوها يخلفوها وخد من ده كثير

    والحزب الوطني يا سلام عمال بيبيع في كلام وكلامه كله أوهام وبيصفي علي مفيش
    لا ينفذ أحكام قضاء ومبهدل أطفال ونساء ربنا يبليه بداء ينصاب به ولا ينشفيش

    عمال بينهب فينا باللقمة عاوز يلهينا فاكر راح ينسينا
    واحنا أبدا أبدا أبدا مش بننسي
    ********************************
    يا حزب يا وطني كفاية هيّ إيه الحكاية مؤبد في جناية في جناية ولا هو اعتقال
    من أتنين وخمسين علي قلوبنا كاتمين بعد ما كنا داينين داينين ليه اتغير الحال

    نواب قروض ودماء وعبارة شايله أشلاء وغاز اتباع للأعداء ورئيسكوا يملاها خراب
    وبفكر لئيم وخبيث عدل دستور للتوريث لجل ما يمسكها الخسيس والإصلاح يبقي سراب

    و اعتقالات ليه للشرفاء ومحاكمات ليه للعقلاء والقوة في ايد الجبناء
    بس زايله زايله زايله بس زايله
    ********************************
    هو بيتحكم فينا زي ما يكون شارينا ولا بيصحى يلاقينا بيلاقينا ضمن عزبة بّابّا
    أصحابه بقوا وزراء ونسايبه بقوا سفراء ولا بتاع الحديد الحديد اللي بايده يرعاه

    وبحق ما دقنا الغلاء وسنينه كانت بلاء واحنا يا بلدي ليكي فداء ياربي أنت المعين
    رجعنا لدربك وطريقك خلينا ياربي في فريقك جمع شملنا في سبيلك وارزقنا صلاح الدين

    حكم شرعك فيما وعلي أعدائك قوينا وانصرنا علي من يعادينا
    وأنت نعم المولي أنت أنت غايتنا

      الوقت/التاريخ الآن هو الأحد أغسطس 20, 2017 5:01 pm