مركز حقك للتنمية الديموقراطية ودعم حقوق الإنسان

مركز حقك للتنمية الديموقراطية ودعم حقوق الإنسان

مدير المركز أسامه عبد الحكيم المحامي


    لن اعيش في جلباب ابي رساله من جمال لحسني

    شاطر
    avatar
    Admin
    Admin

    المساهمات : 36
    تاريخ التسجيل : 07/11/2009
    العمر : 47

    لن اعيش في جلباب ابي رساله من جمال لحسني

    مُساهمة  Admin في الخميس فبراير 25, 2010 5:07 am

    لن أعيش في دستور أبي

    أعذرني يا والدي أنا مش هقدر دستورك لازم يتغير
    يتعدل يتظبط حبه يتقفل علي قدي بضبه
    يتفصل علي قد مقاسي ولغيري ما يحبك ويقاسي
    معمول علي قد المطلوب وبخطي واسمي مكتوب
    ما يعدي منه إخوانجي ولا وفدي ولا حتي إغنجي
    ولا ييجي المجلس غير حزبي ولا يوجع وينغص قلبي
    ولا قاضي بقولي دي نزاهة ولا غيرها ولا أي تفاهه
    والمجلس إن عكر دمي راح أحله بجرة من قلمي
    مش عاوز نائب ولا نيله دا نظيفكوا عندي دا الحيله
    ولا الاقي مدة تحكمني ولا عنها حد يكلمني
    وياريت تلغيلي النقابات خليها دار للأموات
    وكمان تلغيلي الصحافه إقفلها مش ناقصه سخافه
    واعملي قانون للإرهاب اللي هينطق ليلته هباب
    واعملي قانون للأحلام خلي الشعب يتوه ما ينام
    وكمان إلغيلي الأحزاب بلا فرقه راح نبقي اصحاب
    يا سلام لو تلغيلي الشعب أمشي ما اسمع ولا صوت كعب
    أحكم وألاقي أملاكي قدامي ليّ ولمراتي
    وأولادي يخدوها من بعدي أجيال وكلها بتعدي
    لسه يا والدي فاضل حاجه لو تعملها هتبقي ألاجه
    اكتب في الدستور بخطوط إني عمري ما ادوق الموت
    اكتب إني فيها مخلد حاكم بلدي حكم مؤبد
    ما هسيبه حتي لأولادي ولا اخويا ولا حتي احفادي
    ولا قرن ولا اتنين وتلاته ولا حتي و لو همشي تاتا
    يا سلام لو تعملها يا والدي راح تبقي الدوله علي قدي
    إلحق غير في الدستور قبل ما يحصل المحظور
    قبل ما يوم يحصلك حاجه والصبح الاقيك في التلاجه
    أو الاقي الشعب خلاص فاق ويقولي كفاية يا أخو علاء
    ولا ليك ولا واحد من حزبك ولا تحلم باليوم ده في قلبك
    راح تبقي انتخاباتنا نزيهة واللي هينجح يحكم فيها
    اللي الشعب اختاره بقلبه واللي هيمشي وراه ويحبه
    تبقي مصيبة الله لا يقدر يلا يا والدي إلحق غير


    [justify]

      الوقت/التاريخ الآن هو الإثنين أكتوبر 23, 2017 11:40 pm