مركز حقك للتنمية الديموقراطية ودعم حقوق الإنسان

مركز حقك للتنمية الديموقراطية ودعم حقوق الإنسان

مدير المركز أسامه عبد الحكيم المحامي


    علي بابا ... والست مرجانه

    شاطر
    avatar
    Admin
    Admin

    المساهمات : 36
    تاريخ التسجيل : 07/11/2009
    العمر : 47

    علي بابا ... والست مرجانه

    مُساهمة  Admin في الخميس فبراير 25, 2010 5:13 am

    [size=21][size=24]
    [size=21]علي بابا ... والست مرجانه

    علي بابا بعد الضنا لابس خزوق ملزوق

    فاكر إن اللي جرا بعده الحياه هتروق
    والجو يخلي له ونجمه يعلي لفوق
    دانت البعيد مفتري ومفيكش رحت الزوق
    والست مرجانه دايما مصدرها
    والنشرة مليانه علي طول بأخبارها
    لفت بلاد وبلاد من اللي علي زارها
    بس ماكانش معاها كات ويا وزارها
    يا عليوه صبيانك أعدادها مش عارفين

    بس الأكيد انهم ألوفات ومش باينين

    ساكنين بداخل زلع أصل البعاد ملاعين
    بيخططوا وينهبوا من جتتة المساكين
    والست يوم قالت يا علي الأجل قرب
    الواد خلاص اهو كبر ما تسيبه يتدرب
    خليه أمين سياسات أهو فيها هيجرب
    إزاى يمص الشعب ولا مصة العقرب
    عدل له دستورك خليه عليه مضبوط
    واللي يقف ضده إديله بالشلوت
    وان كان من إياهم ما تسيبه يرفع صوت
    خليه كدا محظور يمكن يزيحه الموت
    قربه له صبيانك يكونوا له تابعين
    كما كانوا خدامك يكونوا له خادمين

    هو يمشيهم زي ما كانوا سنين

    ما انت مبرمجهم عاملين ودان من طين
    الشيخ وطنطاوي و نظيفكوا ويا رشيد
    أو سيبه يختارهم ويكون له عهد جديد
    والشوري يتعين والشعب برضه أكيد
    وبلاش محليات وبلاش نقول ونعيد
    هيكون علي نهجك وطريقك اللي فات
    وهيتبع اسيادك إن جاتله تعليمات
    والحي هيشيد بيه و جايز الأموات
    هيقولوا اللي خلف يا ناس عمرة ما مات
    وان يوم دنا أجله ابنه يكون موجود
    دا الحكم لأولادك دايم عهود وعهود
    والشعب اهو راضي عمره ما كان له عود
    وان عوده يوم اشتد ابنك ببوش مسنود
    خلصت حكاية علي والست مرجانه
    حلمت وعاشت كما لو جبنه ملكانا
    بس اللي يفرق إنها بالخيبه مليانه
    عاشت علي الأوهام وهتصحي حزنانه
    ناسيه بإن الشعب هيجيله يوم ويفوق
    ينفض غبار النوم ويعلي صوته لفوق
    ويبقي الحلم كابوس لما عليه هتفوق
    ويهد اللي بنته ويبقي الخزوق ملزوق
    [/size]
    [/size][/size][b]

      الوقت/التاريخ الآن هو الأحد أغسطس 20, 2017 5:01 pm